നടിയെ ആക്രമിച്ച കേസിന്റെ മേല്നോട്ട ചുമതലയില് നിന്ന് ക്രൈംബ്രാഞ്ച് എ ഡി ജി പി എസ് ശ്രീജിത്തിനെ മാറ്റിയതില് ആശങ്കയുണ്ടെന്ന് വിമണ് ഇന് സിനിമാ കളക്ടീവ് പറഞ്ഞു. തങ്ങളുടെ സഹപ്രവര്ത്തക ആക്രമിക്കപ്പെട്ട കേസ് അവസാന ഘട്ടത്തില് എത്തിനില്ക്കുമ്പോള് എല്ലാ വിധ പ്രതീക്ഷകളും ഇല്ലാതാക്കുന്ന വിധത്തിലാണ് പൊലീസ് തലപ്പത്ത് അഴിച്ചുപണി നടത്തിയതെന്ന് ഡബ്ല്യു സി സി പുറത്തിറക്കിയ പ്രസ്താവനയില് പറഞ്ഞു.
നീതി നടപ്പായാലും ഇല്ലെങ്കിലും, മൂടിവെച്ചാലും സത്യം പുറത്തുവരും. അത് കനല്പോലെ ജ്വലിക്കും. അന്യായങ്ങള് ചോദ്യംചെയ്യപ്പെട്ടുകൊണ്ടിരിക്കും.